السلام عليكم ورحمة الله وبركاته
من فترة قصيرة ذهبت في رحلة مع الزوجة والأولاد للإسماعيلية
بلد الكفاح المسلح والنضال المُشرف
وبصراحة عجبتني جداً برغم أنها كانت رحلة مُرهقة
المهم حبيت بس انقل لكم بعض الصور التى إلتقطها في الرحلة
بس أعذرونى مش هقدر احط لا صورتى ولا صور الأولاد
لأن محدش ضامن " الحيطان لها ودان وعينين"
واللى حصل لأصدقائي يخليني امشي جوا الحيط
"طبعا علشان أشوف الودان والعنين"
الصور كتيرة بس دي بعضها
أولا في موقع تبة الشجرة
وده كان موقع عسكرى للجنود الصهاينة
دي طبعا دبابة صهيونية
ده مكان للإشارة
طبعاً مكان النوم
دي بقى حلل للطعام بيقول المرشد اللي بيشرح إن الطعام كان بيجي من تل أبيب بالطيران ويُحفظ في الحلل لمدة 45 يوم
ده ماكيت لنقطة الاسعاف تبعهم
ودي صورة لجهاز الارسال اللاسلكي
وده المكان اللى بيقعد فيه جندى الإشارة
وده شكل الموقع من الخارج بيقول المرشد إن الحجارة اللى فوق دي لو ضربتها طيارة بتزيد من تماسكها وقوتها
ودي صور بعض الأسلحة
دي بقى صور النُصب التذكارى
ودي صورة لسفينة في قناة السويس وأنا فوق النُصب
ودى مركب بضاعة تعبر القناة
الصور اللى جاية من فوق كوبري السلام أعلى قناة السويس
إيه رأيكم مش بجد التاريخ حلو ولازم نعرفه كويس
0 شرفني بتعليقك هنا:
إرسال تعليق