بين حسني و........!!!!!!؟

رغم اني ازعم انني كروي وبحب الكورة واعتقد اني بلعب كورة كويس بس من فترة اصبحت مخنوق من الكورة والقائمين عليها

القصد من كام يوم طلعوا علينا بموضوع ليشغل الرأي العام قليلا ويبعد الناس عن همومها الاصلية ونبقي في صراع بينا وبين بعضنا

ألا وهو طبعا موضوع انتقال "حسني" عبد ربه من الاسماعيلي إلى الاهلى

انا هنا مش هتكلم عن حق مين الكلام اللي ضيع فيه الصحفيين حبر يكفي لتحويل مسار الامة وتحدثت الفضائيات لساعات تكفي لعمل الانجازات

المهم الشئ اللي جعلني اتكلم هي بعض المشاهد اللي شفتها في الفضائيات

من بكاء اهالي الاسماعيلية على " حسني " عبد ربه والذين يعتبرونه خائناً وباع "البلد" وأقاموا له نعشاً وجنازة بعدما كانوا يعتبرونه الرجل الاول في " الاسماعيلية

ألهذه الدرجة يبكون لرحيل " حسني " عبد ربه ؟

ألهذه الدرجة يريدون "حسني" عبد ربه

ولا يتخيلون الاسماعيلية بدون "حسني"عبد ربه ؟

ياجماعة دا صورة "حسني" عبد ربه في كل مكان ومش هيسيب البلد خالص اطمئنوا

عموما انا عندي لهم لاعب اسمه "حسني" صاحبي لعيب جامد قوي وخبرة

ياما لعب وكسب ومش مهم بيكسب ازاي المهم بيكسب

بس لما بيكون خارج الفورمة بيضيع الدنيا

وممكن نتنازل لهم ببلاش بس هم يقبلوا

انا اعتقد ان كل نادي هيطبق خلق الايثار ويتنازل عنه للآخر

لأنه لعييييييييييب جامد بس مش في الفورمة اليومين دول

ونفسه بقى قصير ومش قادر يجري بس مع التمرين يجيي منه

وعموما ربنا يسهل له على الآخر ويحترف في الخارج ويريحنا

بس بلاش يجيبلنا ناشئ زيه ويبيع بلده " الاسماعيلية " !!!!؟