سيدة تشرب من نفس المياه التي تمرح فيها الحيواناتوالله ياجماعة لم اكن اريد ان اكتب في هذا الموضوع لأن حسرتي وألمي بيزيدوا لما اتكلم فيه
واحنا صغيرين كنا نفتخر باننا عندنا نهر هو أطول انهار الدنيا والماء العذب عندنا كده زي الهوا
ولم اكن أتخيل أبدا اننا ممكن نحتاج مياه
اه ممكن تتلوث ممكن تنقطع المياه للصيانة لكن تنتهي
نقوم من النوم الصبح فلا نجد ما نغسل به وجوهنا لا نجد ما نشربه
هو ده اللي عمرنا ما تخيلناه أبدا
لكن أهو حصل في عهد التطور والرخاء والتنمية عصر الديمقراطية
العصر اللي صدعونا بأنه ازهى عصور مصر المحروسة
يا جماعة منظر الناس وهي بتتخانق على كوب ماء وبيشربوا المياه من الترع الملوثة بالحيوانات الميتة
فكرني بالمجاعات اللي كنت بشوفها في التليفزيون عن الدول الافريقية الغلبانه
هل ستتحول مصر إلى دولة من هذه الدول
هل سنتصارع من أجل قطرة مياه
والحكومة بتقول ان فيه محطات مياه هتركب في سنة 2008 م
يبقي الناس تسف التراب لغاية 2008 م
والمضحك المبكي أنك تسمع من بعض الخبثاء أن مجموعة من المستثمرين
من لجنة السسسس"ربنا يجعل كلامنا تقيل عليهم " هم اللي سحبوا حصة المناطق المنكوبة لصالح قراهم السياحية الجديدة وطبعا الحكومة بتشجع الاستثمار وسلملي على الغلابة
والمؤسف أن الشرطة تعاملت مع المواطنين بشكل همجي وهددتهم بالاعتقال كالعادة
والغريب ان الناس رحبت بالاعتقال عسى ان يجدوا كوب ماء نظيف بالسجن
ميعرفوش اللي فيها
المهم دعوة لمن ملكهم الله امرنا اتقوا الله فينا وفي الغلابة ووفروا لهم المياه وبلاش "لكاعة وكفاية انهم بيدوخوا على لقمة العيش هيبقى عيش وميه" ماء
والمؤسف أن الشرطة تعاملت مع المواطنين بشكل همجي وهددتهم بالاعتقال كالعادة
والغريب ان الناس رحبت بالاعتقال عسى ان يجدوا كوب ماء نظيف بالسجن
ميعرفوش اللي فيها
المهم دعوة لمن ملكهم الله امرنا اتقوا الله فينا وفي الغلابة ووفروا لهم المياه وبلاش "لكاعة وكفاية انهم بيدوخوا على لقمة العيش هيبقى عيش وميه" ماء
0 شرفني بتعليقك هنا:
إرسال تعليق